প্ৰাক্তন অগ্নিবীৰলৈ অসম চৰকাৰৰ ডাঙৰ উপহাৰ: চৰকাৰী চাকৰিত ১২% সংৰক্ষণ আৰু ইয়াৰ সবিশেষ

Photo_ Edit (Dilshiri)

ডিজিটেল সংবাদঃ দেশৰ সুৰক্ষা আৰু যুৱ প্ৰজন্মৰ কেৰিয়াৰক লৈ কেন্দ্ৰীয় চৰকাৰে আৰম্ভ কৰা 'অগ্নিপথ' আঁচনিয়ে সমগ্ৰ দেশতে এক নতুন আলোড়নৰ সৃষ্টি কৰিছিল। চাৰি বছৰ দেশসেৱা কৰাৰ পিছত এই অগ্নিবীৰসকলৰ ভৱিষ্যত কি হ’ব, তাক লৈ বিভিন্ন মহলত চৰ্চা চলি থকাৰ মাজতে অসম চৰকাৰে এক গুৰুত্বপূৰ্ণ আৰু ইতিবাচক সিদ্ধান্ত গ্ৰহণ কৰিছে। ৰাজ্য চৰকাৰে ঘোষণা কৰিছে যে অসম আৰক্ষী আৰু অন্যান্য চৰকাৰী চাকৰিত প্ৰাক্তন অগ্নিবীৰসকলৰ বাবে ১২% আসন সংৰক্ষিত কৰা হ’ব। চৰকাৰৰ এই যুগান্তকাৰী পদক্ষেপে ৰাজ্যখনৰ যুৱক-যুৱতীসকলৰ মাজত নতুন আশাৰ সঞ্চাৰ কৰিছে।

অসম চৰকাৰৰ এই নতুন সংৰক্ষণ নীতি কি, কোনে ইয়াৰ লাভ লাভ কৰিব আৰু ২০২৭ চনৰ পৰা হ’বলগীয়া নিযুক্তি প্ৰক্ৰিয়াত ইয়াৰ প্ৰভাৱ কেনেকুৱা হ’ব।

উল্লেখ্য যে, কেন্দ্ৰীয় চৰকাৰে ২০২২ চনত ভাৰতীয় সেনা, নৌসেনা আৰু বায়ুসেনাত যুৱক-যুৱতীসকলক নিযুক্তিৰ বাবে 'অগ্নিপথ' আঁচনি মুকলি কৰিছিল। এই আঁচনিৰ অধীনত নিৰ্বাচিত যুৱক-যুৱতীসকলক 'অজ্ঞীৱীৰ' বুলি কোৱা হয়। তেওঁলোকে সশস্ত্ৰ বাহিনীত ৪ বছৰৰ বাবে সেৱা আগবঢ়ায়। ৪ বছৰ কাৰ্যকাল সম্পূৰ্ণ হোৱাৰ পিছত, মুঠ অগ্নিবীৰৰ ২৫% সেনাত স্থায়ী কৰা হ’ব আৰু বাকী ৭৫% অগ্নিবীৰক এক এককালীন পুঁজি  দি মুকলি কৰি দিয়া হ’ব। এই বাকী ৭৫% প্ৰাক্তন অগ্নিবীৰৰ পুনৰ সংস্থাপনৰ বাবেই এতিয়া অসম চৰকাৰে এই ডাঙৰ সিদ্ধান্ত লৈছে।

শেহতীয়াকৈ অসমৰ মুখ্যমন্ত্ৰী ড° হিমন্ত বিশ্ব শৰ্মাৰ নেতৃত্বত ৰাজ্যিক কেবিনেটে প্ৰাক্তন অগ্নিবীৰসকলৰ বাবে এক বিশেষ মৰ্যাদা ঘোষণা কৰিছে। এই নীতি অনুসৰি:

১।  অসম আৰক্ষী, বন সুৰক্ষা বাহিনী  আৰু অন্যান্য ৰাজ্যিক চৰকাৰী বিভাগৰ পোনপটীয়া নিযুক্তিত প্ৰাক্তন অগ্নিবীৰসকলৰ বাবে ১২ শতাংশ পদ সংৰক্ষিত থাকিব।

২।  ইয়াৰ উপৰিও, তেওঁলোকক চৰকাৰী চাকৰিৰ নিযুক্তি পৰীক্ষাত বহিবলৈ সৰ্বোচ্চ বয়সৰ সীমাতো ৰেহাই দিয়া হ’ব। থলুৱা যুৱক-যুৱতীসকলক সৈন্যবাহিনীত যোগ দিবলৈ উৎসাহিত কৰাৰ উদ্দেশ্যে এই বিশেষ ব্যৱস্থা কৰা হৈছে।

২০২২ চনত দেশত প্ৰথম বেচৰ অগ্নিবীৰ নিযুক্তি প্ৰক্ৰিয়া আৰম্ভ হৈছিল। সেই অনুসৰি, এই অগ্নিবীৰসকলৰ চাৰি বছৰীয়া কাৰ্যকাল ২০২৬ চনৰ শেষৰ পিনে সম্পূৰ্ণ হ’ব। অৰ্থাৎ, ২০২৭ চনৰ আৰম্ভণিৰ পৰা প্ৰথমটো প্ৰাক্তন অগ্নিবীৰৰ দল সমাজলৈ ঘূৰি আহিব। অসম চৰকাৰৰ এই সংৰক্ষণ নীতি ২০২৭ চনৰ পৰা হ’বলগীয়া চৰকাৰী নিযুক্তি প্ৰক্ৰিয়াত সম্পূৰ্ণৰূপে কাৰ্যকৰী হ’ব। ইয়াৰ ফলত ৪ বছৰ দেশসেৱা কৰি অহা অসমৰ থলুৱা ডেকা-গাভৰুসকলে নিজৰ ৰাজ্যতে পোনপটীয়াকৈ মৰ্যাদাপূৰ্ণ চাকৰি লাভ কৰাৰ এক সোণালী সুযোগ পাব।

ইয়াৰ ফলত কি কি দিশ লাভ হ’ব তাৰ সৱিশেষ তলত দাঙি ধৰা হলঃ

• কেৰিয়াৰৰ সুৰক্ষাঃ চাৰি বছৰ পাছত সৈন্যবাহিনীৰ পৰা ওলাই অহাৰ পিছত যুৱক-যুৱতীসকল নিবনুৱা হৈ থকাৰ ভয় নাথাকিব। নিজৰ ৰাজ্যতে তেওঁলোকৰ বাবে ১২% কোটা থকাৰ বাবে চাকৰি পোৱাটো বহুত সহজ হ’ব।

• দক্ষ আৰু অনুশাসিত আৰক্ষী বাহিনীঃ এজন অগ্নিবীৰক সেনাবাহিনীত কঠোৰ শাৰীৰিক আৰু মানসিক প্ৰশিক্ষণ দিয়া হয়। তেওঁলোকৰ মাজত দেশপ্ৰেম আৰু অনুশাসন সৰ্বোচ্চ পৰ্যায়ত থাকে। এনে দক্ষ যুৱক-যুৱতী যেতিয়া অসম আৰক্ষীত ভৰ্তি হ’ব, তেতিয়া অসমৰ আইন-শৃংখলা পৰিস্থিতি আৰু অধিক উন্নত হ’ব।

• যুৱ প্ৰজন্মৰ মাজত উৎসাহঃ চৰকাৰী চাকৰিৰ নিশ্চয়তা থকাৰ বাবে এতিয়া অসমৰ গাৱে-ভূঞে থকা প্ৰতিভাৱান যুৱক-যুৱতীসকলে সেনাবাহিনীত যোগ দিবলৈ অধিক আগ্ৰহ প্ৰকাশ কৰিব।

অৱশ্যে অসম চৰকাৰৰ এই ১২% সংৰক্ষণৰ লাভ উঠাবলৈ প্ৰাৰ্থীসকলৰ ওচৰত কি কি যোগ্যতাসমূহ থকাটো আৱশ্যক হ’ব সেই সম্পৰ্কত উল্লেখ কৰা নিয়ম অনুসৰি......

• প্ৰাৰ্থীজন মূলতঃ অসমৰ স্থায়ী বাসিন্দা হ’ব লাগিব।

• ভাৰতীয় সশস্ত্ৰ বাহিনীৰ পৰা ৪ বছৰৰ কাৰ্যকাল সফলতাৰে সম্পূৰ্ণ কৰি 'প্ৰাক্তন অগ্নিবীৰ'ৰ প্ৰমাণপত্ৰ লাভ কৰিব লাগিব।

• চৰকাৰী বিজ্ঞাপন অনুসৰি নিৰ্দিষ্ট শিক্ষাগত অৰ্হতা (যেনে দশম বা দ্বাদশ শ্ৰেণী উত্তীৰ্ণ) থাকিব লাগিব।

দেশৰ সুৰক্ষাত নিজৰ জীৱনৰ গুৰুত্বপূৰ্ণ ৪টা বছৰ উচৰ্গা কৰা অগ্নিবীৰসকলক মৰ্যাদা দিয়াটো আমাৰ সকলোৰে কৰ্তব্য। অসম চৰকাৰে গ্ৰহণ কৰা এই সংৰক্ষণ নীতিয়ে কেৱল অগ্নিবীৰসকলৰ ভৱিষ্যত সুৰক্ষিত কৰাই নহয়, বৰঞ্চ ৰাজ্যখনৰ নিবনুৱা সমস্যা দূৰীকৰণতো এক ধনাত্মক প্ৰভাৱ পেলাব। ২০২৭ চনৰ পৰা যেতিয়া এই নীতি সম্পূৰ্ণৰূপে ফিল্ডত কাৰ্যকৰী হ’ব, তেতিয়া অসমৰ কেইবা হাজাৰো পৰিয়ালে ইয়াৰ প্ৰত্যক্ষ লাভ পাব। চৰকাৰৰ এই পদক্ষেপ সঁচাকৈয়ে আদৰণীয়।