 |
| ফটোঃ নিজা সংবাদ দাতা |
ডিজিটেল সংবাদ, নগাঁওঃ চামগুৰি:ৰাজ্যজুৰি চলি থকা ড্ৰাগছ বিৰোধী অভিযানৰ মাজতে নগাঁও জিলাৰ চামগুৰিত আৰক্ষীয়ে লাভ কৰিছে এক ডাঙৰ সাফল্য। চামগুৰি আৰক্ষীৰ এক বিশেষ অভিযানত বৃহৎ পৰিমাণৰ ড্ৰাগছসহ আটক হৈছে দুটাকৈ কুখ্যাত ড্ৰাগছ সৰবৰাহকাৰী।১২৭ নং ৰাষ্ট্ৰীয় ঘাইপথত অভিযান:প্ৰাপ্ত তথ্য অনুসৰি, এক গোপন সূত্ৰৰ পম খেদি চামগুৰি আৰক্ষীৰ এটা দলে ১২৭ নং ৰাষ্ট্ৰীয় ঘাইপথত এক তলাচী অভিযান চলাইছিল।
এই অভিযানকালতে আৰক্ষীয়ে ড্ৰাগছ সৰবৰাহকাৰী দুটাক কৰায়ত্ত কৰিবলৈ সক্ষম হয়। ধৃত ড্ৰাগছ সৰবৰাহকাৰী দুটা ক্ৰমে ৰঞ্জিত বৰা আৰু গৌতম দাস বুলি চিনাক্ত কৰা হৈছে।নটা কণ্টেইনাৰ ড্ৰাগছ জব্দ:আৰক্ষীয়ে ধৃত সৰবৰাহকাৰী দুটাৰ জিম্মাৰ পৰা ড্ৰাগছ ভৰ্তি ন (৯) টাকৈ প্লাষ্টিকৰ কণ্টেইনাৰ জব্দ কৰে। জব্দকৃত ড্ৰাগছখিনিৰ মুঠ ওজন প্ৰায় ১৩ গ্ৰাম বুলি আৰক্ষী সূত্ৰই প্ৰকাশ কৰিছে।
দীৰ্ঘদিন ধৰি অঞ্চলটোত এই চক্ৰটোৱে ড্ৰাগছৰ অবৈধ ৰমৰমীয়া বেহা চলাই আছিল বুলি সন্দেহ কৰা হৈছে।আৰক্ষীৰ জেৰা অব্যাহত:এই ড্ৰাগছ নেটৱৰ্কৰ সৈতে আৰু কোন কোন জড়িত আছে, সেই সন্দৰ্ভত অধিক তথ্য লাভ কৰিবলৈ চামগুৰি আৰক্ষীয়ে ধৃত ৰঞ্জিত বৰা আৰু গৌতম দাসক বৰ্তমান থানাত তীব্ৰ জেৰা অব্যাহত ৰাখিছে।
আৰক্ষীৰ এই সফল অভিযানে অঞ্চলটোৰ সৰ্বসাধাৰণ ৰাইজক আশ্বস্ত কৰিছে।